27. apryla – Jewišćowa hudźba live a podijowa rozmołwa: “Njeznaty Juro Mětšk”
termin: 27.04.2026 18:00 - 19:30 hodź.
Městno zarjadowanja: Sakska krajna biblioteka – Statna a uniwersitna biblioteka w Drježdźanach, Zellescher Weg 18, 01069 Drježdźany
Na zarjadowanju w žurli Klemperera Drježdźanskeje krajneje a uniwersitneje biblioteki SLUB zaklinči live-hudźba z ensemble unitedberlin. Nimo toho rozmołwja so na podiju kulturna wědomostnica dr. Theresa Jacobsowa ze serbskim komponistorm načasneje hudźby, z Janom Cyžom.
Nowa edicija z jewišćowej hudźbu serbskeho komponista Juro Mětška (1954-2022) je w decembrje 2025. Wona wopřijima CDjce, bohaće ilustrowanu knižku, film a dalši material. Jewišćowa hudźba je wažny mozaikowy kamušk w mnohostronskim wuměłskim tworjenju komponista. Edicija prezentuje kompozicije k dramje “Die wendische Schiffahrt” Kita Lorenca a klankohrě “Čertowy móst” Mileny Markoveje. Film dokumentuje jako přidatny material (přez QR-code) nahrawanja hudźby nazymu 2024 w Berlinje.
Pokiw: Juro Mětškowe zawostajenstwo w Serbskim kulturnym archiwje wobsahuje kopije jeho kompozicijow, programowe zešiwki a plakaty, wosobinske dokumenty, listowanje a wobšěrnu zběrku nowinskich wurězkow wo twórbje, wo wosobje a wo jeho hudźbnym skutkowanju we Łužicy. Dźiwajo na prawa na swojej wosobinje njejsu wosobinske dokumenty a listowanja za zjawnosć přistupne.
Zhromadne zarjadowanje Drježdźanskeje krajneje a uniwersitneje biblioteki SLUB a Serbskeho instituta.
- wjace čitać wo Juro Mětšku w Małym rjedźe Serbskeho instituta: Am Ende wird von mir nur gesammelter Schabernack übrig bleiben. Juro Mětšk – Ein Porträt
- zdźělenka wo nowej ediciji (wot decembra 2025)