Serbske kulturne pomniki w Sakskej. Natwar wirtuelneho dźěłoweho systema za digitalne zapisanje a prezentaciju (projekt třećich srědkow)

Wot spočatka 2000-tych lět so w Serbskim instituće serbske kulturne pomniki we Łužicy a na druhich městnach systematisce registruja, posudźuja a dokumentuja. Wuslědk tutoho dołhodobneho projekta je wobšěrny inwentar serbskich materielnych swědkow a pomnikow – w Hornjej Łužicy sam wopřijima zběrka něhdźe 1.700 objektow.

Projekt „Serbske kulturne pomniki w Sakskej“ je dźěl zhromadneho projekta „DIKUSA“ – akronym za „digitalne kulturne daty Sakskeje“, spěchowane wot 2022 do 2025 a koordinowane přez KompetenzwerkD Sakskeje akademije wědomosćow w Lipsku. Zaměr projekta je digitalizacija a prezentacija serbskeho pomnikoweho inwentara na online-portalu.

W ramiku DIKUSA podšmórnje projekt Serbskeho instituta serbske materielne herbstwo jako wosebity a zdobom integralny dźěl kulturneje krajiny w Sakskej, kotryž je z tym prěni raz šěrokemu publikumej přistupny.

W projekće wutworja so infrastrukturelne zakłady za strukturowane zapisanje a anotěrowanje, wobsahowe wopisanje kaž tež kartografiske wizualizowanje serbskich kulturnych pomnikow. Tute kulturne daty steja po Linked-Open-Data-standardźe k dipsoziciji.

Wuslědki

• DIKUSA-Core-Ontology na GitHub
• na zakónčacej konferency, dnja 15./16. decembra 2025 w Lipsku předstaja wšitcy projektni partnerojo swoje wuslědki – program, hlej stronka zarjadowanja
• Nowinska zdźělenka k zazběheh projekta (20.12.2021)
• Zhromadna nowinska zdźělenka partnerow (10.06.2022)

Nawod projekta: Friedrich Pollack
Na projekće wobdźěleni: Alf-Christian Schering, Robert Lorenc