18. měrca, Serbska debata: Serbska literatura – pozicije a perspektiwy

termin: 18.03.2026 19:00 hodź.

Městno zarjadowanja: Serbski dom w Budyšinje

Z časa Ćišinskeho so serbska literatura přeco zaso jako měritko a indikator za witalitu a byće serbskeho luda wobhladuje. Wuchadźejo z toho chcemy so z aktualnymi perspektiwami na serbsku literatury zaběrać. Wuwiće poslednich lět kaž na př. digitalne formaty, přiwobroćenje k přełožkam a załoženje noweho nakładnistwa pokazaja na jednej stronje na nowu dynamiku na polu serbskeje literatury. Z druheje strony steji tež tuta před wulkimi wužadanjemi, kaž na přikład spadowaca ličba čitarkow a čitarjow, woteběrace rěčne znajomosće, konkurencu přez nowe medije a njespokojace financowanje serbskeho literarneho tworjenja. Hromadźe z pisacymi, čitarjemi a wudawaćelemi chcemy wo perspektiwach a wužadanjach serbskeje literatury diskutować.

Serbski institut zarjaduje prěnju wot třoch Serbskich debatow w lěće 2026. – Rjad »Serbska debata« je kooperacija Sakskeje krajneje centraly za politiske kubłanje, Serbskich Nowin a Załožby za serbski lud.

Organizacija a moderacija:

• dr. Theresa Jacobsowa
• dr. Lubina Malinkowa

Hosćo na podiju:

• Syman Pětr Cyž
• Sylwija Šenowa
• Milena Šołčić
• Jan Bělk

Dalše informacije slěduja bórze.