Weihnachts- und Neujahrsgruß des Sorbischen Instituts im Jahr 2025. Mit Ostereier-Verziertechnik verzierte Weihnachtsbaumkugeln vor hellblauem Hintergrund; in einer Kugel versteckt sich das Institutslogo; Schriftzug übersetzt:

Budyšin - 15.12.2025

Serbske kulturne pomniki digitalnje zapisane. Prezentacije w Lipsku a premjera krótkofilmow wo projekće

Kamor połny ze zelenemi rjadowakami — Kamor z rjadowakami k serbskim kulturnym pomniki © Serbski institut

Prezentacija na zakónčacej konferency “DIKUSA – zwjazanje digitalnych kulturnych datow w Sakskej” 15./16. decembra w Lipsku

Sakska akademija wědomosćow (SAW) w Lipsku prezentuje hromadźe z pjeć projektowymi partnerami (Serbskim institutom, Institutom Simona Dubnowa, GWZO, HAIT a ISGV) na zakónčacej konferency DIKUSA 15./16. decembra 2025 w Lipsku wuslědki štyrilětneho (2022-2025), wot Swobodneho stata Sakskeje spěchowaneho zhromadneho projekta k zwjazanju digitalnych kulturnych datow w Sakskej. Dr. Robert Lorenc (SI) předstaji, kak so 1700 serbskich pomnikow w Sakskej z analogneho do digitalneho swěta přenjesechu.

Projekt “Serbske kulturne pomniki w Sakskej” je wažne pilotowe předewzaće za planowany Serbski kulturny register. Tuchwilu wučinjeja serbske kulturne pomniki w nim najwjetši datowy wobstatk. Wuwił je so wirtuelny dźěłowy wobswět, kotryž dowoli w přichodźe zapisanje a prezentowanje datow wo kulturnych pomnikach po modernym standardźe. Tuchwilu přihotuje so na portalu wědy SORABICON wirtuelna karta ze stejnišćemi kulturnych pomnikow a jich wopisanjom, kotraž ma so poněčim wudospołnić a wozjewić. Dźěl prezentuje so hižo dźensa na konferency w nowym showowym woknješku DIKUSA.

“Projekt je wažny měznik za Serbski institut a za historiske slědźenje. Pomnikowe slědźenje w Hornjej a Delnjej Łužicy hodźi so jenož z pomocu modernych, digitalnych srědkow pokročować. Z nowym, wjacerěčnym registrowym systemom wotpowědujemy mjezynarodnym standardam – z tym so serbšćina w digitalnym swěće widźomnišo čini”, praji Robert Lorenc.

Dale čitać a hladać:

zhromadna nowinska informacija k zakónčenju projekta (12.12.2025)
stronka zarjadowanja
krótkofilmy na youtube-kanalu SAW, kotrež maja dźensa (15.12.25) na konferency swoju premjeru, hlej DIKUSA-playlist – mjez tutymi je tež 3 mjeńšinowy film z Robertom Lorencom
wjace wo dźělnym projekće Serbskeho instituta “Serbske kulturne pomniki w Sakskej” namakaće na projektnej stronce

Projekt so spěchuje wot Sakskeho statneho ministerstwo za wědomosć, kulturu a turizm na zakładźe etata, wobzamknjeneho wot zapósłancow Sakskeho krajneho sejma.