Sorabistika po puću – Serbski institut swjeći 75 lět sorabistiske slědźenje w Budyšinje!

Na nowinskej konferency, 18. decembra 2025 jako zazběh do jubilejneho lěta “75 lět sorabistiske slědźenje” w Budyšinje předstaji Serbski institut předewzaća w jubilejnym lěće 2026. Zdobom bu stronka z wjac hač 40 poskitkami w rjedźe “Sorabistika po puću“ spřistupnjena.

Sobudźěłaćerki a sobudźěłaćerjow poskića w jubilejnym lěće na wosebite wašnje dohlady do swojich slědźenjow wo rěči, stawiznach a kulturje Serbow – w rjedźe “Sorabistika po puću”. Poskitk je mysleny za towarstwa, muzeje a dalše kulturne kubłanišća w Sakskej a Braniborskej. Jinak prajene: Přińdźemy k wam, bjez toho zo nastanu Wam wudawki za jězbne kóšty a honorary. Poskićamy Wam přednoški wo wuměłstwje, kulturje a rěčnych wosebitosćach Łužicy, runje tak kaž wjedźenja a zarjadowanja, w kotrychž móžeće sami sobu činić.

• přehlad poskitikow w rjedźe “Sorabistika po puću” (přez formular móžeće so bjezposrědnje naprašeć)