Poskitk “Sorabistika po puću” podlěšeny – Serbski institut swjeći 75 lět sorabistiske slědźenje w Budyšinje!
Rjad poskitkow „Sorabistika po puću“ Serbskeho instituta pokročuje w lěće 2027. Towarstwa, muzeje, domizniske stwički a kulturne kubłanišća w Sakskej a Braniborskej móža wotnětka terminy za klětu (a tež hišće za druhu połojcu lěta 2026) dojednać. Jedna so wo přednoški wo wuměłstwje, kulturje a rěčnych wosebitosćach Łužicy, runje tak kaž wjedźenja a zarjadowanja, w kotrychž móže publikum sam sobu činić.
Donětka (08/2026) su slědźerjo a slědźerki Serbskeho instituta kaž tež koleginy a kolegojo ze Serbskeje centralneje biblioteki a Serbskeho kulturneho archiwa swoje temy hižo we 38 městach a wsach Hornjeje a Delnjeje Łužicy předstajili. Na nowinskej konferency, 18. decembra 2025 jako zazběh do jubilejneho lěta „75 lět sorabistiske slědźenje“ w Budyšinje předstaji Serbski institut předewzaća w jubilejnym lěće 2026. Zdobom bu stronka z wjac hač 40 poskitkami w rjedźe „Sorabistika po puću“ spřistupnjena.
Dnja 1. meje 1951 bu Institut za serbski ludospyt załoženy. Z tutoho wuńdźe w lěće 1992 Serbski institut. Z tym zhladujemy na 75 lět institucionelneje sorabistiki w Budyšinje. Za sobudźěłaćerki a za sobudźěłaćerjow je to dobra składnosć, na wosebite wašnje dohlady do swojich slědźenjow wo rěči, stawiznach a kulturje Serbow poskićić.
- přehlad poskitikow w rjedźe “Sorabistika po puću” (přez formular móžeće so bjezposrědnje naprašeć)