Pytanje Lochka rěč Stronu předčitać zwobraznjenje
 Pytanje  Lochka rěč  Stronu předčitać  zwobraznjenje

Best of “Rěčne kućiki” – Kak móžu swoju serbšćinu polěpšić?

Icon za rěčne kućiki w rěčnym portalu: nadpismo ''Rěčne kućiki'' před běło-swětłomódrym pozadkom, na kotrymž su widźeć serbske słowa
Icon rěčne kućiki © Serbski institut

Rěčne poradźowanja maja w serbšćinje dołhu tradiciju. K tomu słušeja tohorunja w serbskim rozhłosu tydźensce wusyłane přinoški w rubrice „Rěčny kućik“. W nich skedźbnjeja awtorki – sorabistki-rěčespytnicy Serbskeho instituta – na nowe abo stare kaž tež na po woznamje a formje podobne słowa, na typiske zmylki, na rozdźěle mjez spisownej a narěčnej resp. wobchadnej serbšćinu kaž tež wo regionalnych rozdźělach serbšćiny abo wujasnjuja pochad wšelakich słowow. W běhu zašłych 25 lět nasta na tajke wašnje wjac hač 900 krótkich tekstow, kotrež pohnuwaja k přemyslowanju wo serbšćinje.

W přednošku poda so na jednej stronje přehlad wo prócowanjach wo rěčnu kulturu w serbšćinje w zašłosći, na druhej stronje předstaji so wuběr „najlěpšich“ rěčnych kućikow. W zhromadnej bjesadźe móža přitomni zwuraznić, kak so dźensa ze stron njerěčespytnikow na prócowanja wo serbšćinu zhladuje.

  • format
    přednošk a bjeasada
  • referent/ka
    Anja Pohončowa
  • doba zarjadowanja
    60 min.
  • rěč
    Obersorbisch
  • techniske wuměnjenja
    beamer, płatno, wótřerěčaki
  • Na koho so zarjadowanje měri?
    zajimcy


    Naprašowanje


    Prošu skontaktujće nas ze slědowacym formularom. Zapisajće Waše terminowe přeća za wot was wuzwolene zarjadowanje do tekstoweho pola „Waša powěsć na nas“! Waše naprašowanje sposrědkujemy wotpowědnemu přednošowarjej, kiž budźe was termina dla kontaktować. Próstwa: Bychmy so wjeselili, jeli byšće we Wašej wokolinje za naše zarjadowanje wabili. Wozjewimy termin přidatnje na našej homepage.