Michała Hórnikowe bydlenje w Budyšinje – legenda a woprawdźitosć

Na prašenje, hdźe Michał Hórnik w Budyšinje bydleše, by wjetšina woprašanych zawěsće takle wotmołwiła: “Wězo na farje při serbskej cyrkwi.” Ale bě tomu woprawdźe tak? Přeswědčenje, zo měješe Michał Hórnik jako kapłan a pozdźišo jako farar Budyskeje serbskeje cyrkwje swoje bydlenje při tamnišej cyrkwi, zwisuje drje z tym, zo bydleše wosadny farar serbskeje cyrkwje hač do přirjadowanja wosadow Našeje lubeje Knjenje a swjateje Klary do jeničkeje tachantskeje wosady w lěće 1984 woprawdźe tu, mjenujcy pod adresu Cyrkwinske naměsto 2. Zo měło so tole tohorunja na Michała Hórnika poćahować, tomu je drje přidatnje polěkowało wotpowědne wuprajenje Hórnikoweho biografa Jana Petra. Wón pisaše mjez druhim, zo bydleše Hórnik wot započatka 1860tych lět “na farje serbskeje katolskeje cyrkwje”.

Po wuhódnoćenju wšelakich wuprajenjow Hórnikowych rowjenkow kaž tež dalšich žórłow móže referentka pokazać, hdźe Hórnik woprawdźe bydleše.

Tekst: Anja Pohončowa

• Format
  přednošk a rozmołwa
• Vortragende
  Anja Pohončowa
• doba zarjadowanja
  45 min.
• rěč
  Obersorbisch
• techniske wuměnjenja
  beamer, płatno
• Na koho so zarjadowanje měri?
  zajimcy