Sorabistika po puću
Dnja 1. meje 1951 bu Institut za serbski ludospyt załoženy. Z tutoho wuńdźe w lěće 1992 Serbski institut. Z tym zhladujemy na 75 lět institucionelneje sorabistiki w Budyšinje. Za sobudźěłaćerki a za sobudźěłaćerjow je to dobra składnosć, na wosebite wašnje dohlady do swojich slědźenjow wo rěči, stawiznach a kulturje Serbow poskićić – w rjedźe “Sorabistika po puću”.
Poskitk je mysleny za towarstwa, muzeje a dalše kulturne kubłanišća w Sakskej a Braniborskej. Jinak prajene: Přińdźemy k wam, bjez toho zo nastanu Wam wudawki za jězbne kóšty a honorary. Poskićamy Wam přednoški wo wuměłstwje, kulturje a rěčnych wosebitosćach Łužicy, runje tak kaž wjedźenja a zarjadowanja, w kotrychž móžeće sami sobu činić.
» Wšitke poskitki
poskitki po wobłukach
biblioteka digitalne graty stawizny towaršnosć kultura žiwjenjoběh hudźba rěč reja
Wjerć mje pola herca: Serbske reje tehdy a dźensa
Přednošk wo serbskich ludowych rejach jako imaterielne kulturne herbstwo. Po přednošku je składnosć za zhromadne wuspytanje prěnich rejowanskich kročelow k hudźbje a za rozmołwu.
wjace zhonić
(Nje)widobna rěc: To serbske we chóśebuskej rěcnej krajinje delnjoserbsce
Serbska rěc jo wažne znamje Dolneje Łužyce. Na droze nadejźomy ju na wšakich toflach a wopismach. Pśiźćo sobu na wjeźenje pó centrumje Chóśebuza a zgóńśo wěcej wót dwójorěcnosći we zjawnem rumje!
wjace zhonić
Best of “Rěčne kućiki” – Kak móžu swoju serbšćinu polěpšić?
W přednošku poda so na jednej stronje přehlad wo prócowanjach wo rěčnu kulturu w serbšćinje w zašłosći, na druhej stronje předstaji so wuběr „najlěpšich“ rěčnych kućikow. W zhromadnej bjesadźe móža přitomni zwuraznić, kak so dźensa ze stron njerěčespytnikow na prócowanja wo serbšćinu zhladuje.
wjace zhonić