Sorabistika pó droze
Na 1. maju 1951 jo se załožył Institut za serbski ludospyt. Z njogo jo w lěśe 1992 wurosł Serbski institut. Stakim ma sorabistika južo 75 lět akademisku slěźaŕnju we Łužycy. Ten jubilej jo sobuźěłaśerjam instituta dobra góźba, aby dali luźam póglědaś do swójich slěźenjow k rěcy, historiji a kulturje Serbow. Tomu słužy rěd “Sorabistika pó droze”.
Ten program jo myslony za towaristwa, muzeje a dalšne kulturelne kubłanišća w Sakskej a Bramborskej. Hynac gronjone: My pśiźomy k Wam, mimo togo aby Wam kosty za drogu abo honorar nastali. Bitujomy Wam pśednoski wót wuměłstwa, kultury a rěcnych wósebnosćow we Łužycy kaž teke wjeźenja a tšojenja, źož móžośo aktiwnje sobu gótowaś. Póbitowanje stoj teke w lěśe 2027 k dispoziciji.
» wšykne pórucenja
pórucenja pó temach
biblioteka digitalne rědy stawizny towarišnosć kultura žywjenjoběg muzika rěc reja
(Nje)Widobne derbstwo: Serbske wuměłstwo w zjawnem rumje Chóśebuz
Město Chóśebuz ma jadnorazny wobstatk serbskego wuměłstwa w zjawnem rumje. Namakajomy mozaiki, plastiki, sćěnowe wobraze abo studnje ze serbskimi motiwami, kenž su za wšyknych widobne a pśistupne. Wobchójźenje wjeźo k wubranym wuměłskim objektam w centrumje města.
wěcej zgóniś
(Nje)widobna rěc: To serbske we chóśebuskej rěcnej krajinje
Serbska rěc jo wažne znamje Dolneje Łužyce. Na droze nadejźomy ju na wšakich toflach a wopismach. Pśiźćo sobu na wjeźenje pó centrumje Chóśebuza a zgóńśo wěcej wót dwójorěcnosći we zjawnem rumje!
wěcej zgóniś
“Złoty šackašćik” serbskeho pismowstwa górnoserbski
Wopyt w Serbskej centralnej bibliotece a Serbskim kulturnym archiwje – zeznać pomniki a zajimawostki serbskeho pismowstwa kaž tež dźěławosć archiwa a biblioteki.
wěcej zgóniś