Serbska kultura kompaktnje (dźěłowy titul)

Zaměr projekta je wozjewjenje informatiwneho přehlada wo serbskej kulturje w formaće kapsneje knihi. Ideja za knihu nasta w rozmołwach ze Sakskej krajnej centralu za politiske kubłanje, kotraž je partnerka projekta. Z knihu chcedźa šěroki publikum narěčeć, na přikład šulske rjadownje a powšitkownje zajimowanych čitarjow. Wuhotowanje knihi ma čitarja z pomocu přehlada wo serbskej kulturje a rěči kaž tež wo serbskich stawiznach a diskursach do zeznaća a zrozumjenja načasnych serbskich kulturow a jeje akterow we wšěch fasetach wabić.