24. oktobra: Dźeń bibliotekow 2025
termin: 24.10.2025 09:00 - 16:00 hodź.
Městno zarjadowanja: Serbski institut Budyšin, Dwórnišćowa 6, 02625 Budyšin
Serbska centralna biblioteka (SCB) Serbskeho instituta wobdźěli so znowa na cyłoněmskim Dnju bibliotekow.
Akciski dźeń skića dohlady do wobstatka a dźěławosće Serbskeje centralneje biblioteki. Specielnje za šulerki a šulerjow je program zestajany, kotremuž smědźa so zajimowani wopytowarjo rady přizamknyć. Přeprošujemy na serbskorěčne wodźenja, kotrež so starobje wobdźělenych přiměrja.
Přikłady:
- Što je biblioteka? Powšitkowne zawjedźenje a předstajenje Serbskeje centralneje biblioteki
- Kak móžu w SCB rešeršować? Praktiske pokiwy za rešeršu w knihowni, na přikład za profilowe dźěło
- dohlady do pomnikow serbskeho pismowstwa
Jeli maće zajim na poskitku, přizjewće so prošu hač do 19. septembra pola nas, z mejlku na si@serbski-institut.de abo telefonisce pod 03591 4972-0. W času wot 9 do 16 hodź. namakamy zhromadnje so hodźacy čas za Was a Wašu šulsku rjadownju. Rady spřihotujemy tež konkretne wučbne materialije a integrujemy tute do wodźenja.
- kontakt: Anna Měrćinowa, fachowědomostna referentka
Wopytowarjo su nimo toho wutrobnje přeprošeni, sej kabinetnu wustajeńcu wo dźěławosći nakładnistwa Lusatia wobhladać.