Programěrowar (m, ž, d,) za digitalizaciju a datowu prezentaciju (doba za požadanje: 31. meja 2024)
W Serbskim instituće z.t. w Budyšinje ma so wot 1. julija 2024 městno za programěrowarja (m, ž, d) za digitalizaciju a datowu prezentaciju we wobjimje 40 hodźin wobsadźić. Mzda płaći so po TV-L (E13). Městno je najprjedy hač do 31.12.2026 wobmjezowane.
Serbski institut (SI) jako zwonkauniwersitne slědźenišćo z někak 70 přistajenymi na dwěmaj městnomaj (w Budyšinje a Choćebuzu) slědźi na polu rěče, stawiznow a kultury Serbow w Hornjej kaž tež Delnjej Łužicy w zašłosći a přitomnosći. Integralny wobstatk instituta stej Serbski kulturny archiw a Serbska centralna biblioteka.
Dźěłowe městno budźe w nastawacym digitalizaciskim centrumje při Serbskim instituće. Tutón centrum ma serbske kulturne herbstwo digitalnje wobdźěłać a w digitalnej formje k dispoziciji stajić. Projekt, financowany z pomocu třećich srědkow, nawjazuje na wobstejacu digitalizacisku infrastrukturu při SI a je z druhimi předewzaćemi koncepcionelnje wusko zwjazany.
Ćežišća nadawkow:
- programěrowanske techniske přesadźenja modelěrowanjow kulturnych objektow – pod wobkedźbowanjom strukturowanych datow (Linked Data), ontologijow a normowych datow
- koncepcija a přesadźenje prezentaciskich modelow digitalizatow a jich zawjazanje do přisłušnych portalow
- design a programěrowanske nadawki na polu web- a app-wuwića
- programěrowanje kompjuterowych procesow a interfaceow a zwjazowanskich městnow
Wočakowane kwalifikacije:
- wotzamknjeny wysokošulski studij (master abo přirunajomne wotzamknjenje) na polu informatiki/medijoweje informatiki, po móžnosći z wotpowědnymi powołanskimi nazhonjenjemi
- jara dobre komunikaciske zamóžnosće a teamakmanosć
- samostatne a systematiske wašnje dźěła
- jara dobre pisomne a ertne znajomosće němskeje a jendźelskeje rěče
- serbskorěčne znajomosće serbskeje rěče su witane
Poskićimy Wam zamołwitu, wotměnjawu dźěławosć na polu mjez slědźenjom a towaršnosću.
Serbski institut spěchuje powołanske runostajenje žonow a muži a zasadźuje so za zjednoćomnosć powołanja a swójby. Tohodla su žony wosebje namołwjene so powabić. Na wosebite wobkedźbowanje ćežko zbrašenych při jenakej kwalifikaciji so dźiwa.
Swoje pisomne požadanje pósćelće prošu hač do 31. meje 2024 ze zwučenymi podłožkami bjezwuwzaćnje w digitalnej formje (přiwěški w e-mejlce jako PDF) na direktorat Serbskeho instituta (si@serbskiinstitut.de). Pozdźišo dochadźace požadanja móža so wobkedźbować, hdyž njeje městno hišće wobsadźene. Ewentualnje nastawace jězbne wudawki njemóža so narunać.
Při prašenjach k městnu wobroćće so prošu na Wita Bejmaka (wito.bejmak@serbski-institut.de). – Wjeselimy so na Waše požadanje!
Pokiw k škitej datow: Ze zapodaćom swojeho prócowanja přihłosujeće předźěłanju wosobinskich datow we wobłuku a k přewjedźenju procesa požadanja. Tute přizwolenje móže so kóždy čas bjez podaća přičin pisomnje abo elektronisce napřećo direktoratej cofnyć. Prošu wobkedźbujće, zo wjedźe cofnjenje přizwolenja k tomu, zo njemóže so Waše požadanje w běžacym požadanskim procesu hižo wobkedźbować.