Koncepcija Serbskeho kulturneho registra

We wobłuku tutoho předewzaća přewozmje Serbski institut nadawk, wuwić koncepciju za institucije přesahowacy register serbskeho kulturneho herbstwa.

Projekt bě spočatnje na třilětnu dobu (05/2021-04/2024, podlěšeny hač do 12/2025) planowany, při čimž sćěhowaše w tutym času na něhdźe lěto trajacu ryzy koncepcionelnu fazu hižo dalša (wobsahowje a jeli trjeba tež personelnje) rozšěrjena pilotowa faza.

Dźěła realizuja so we wothłosowanju z přiběracej ličbu dalšich zarjadnišćow, kotrychž daty maja so w přichodźe do zhromadneho registra kulturneho herbstwa zapřijeć.

Dźělny projekt:

• Fotografiske registrowanje a digitalizowanje zběrki Lotara Balka (projekt ze srědkow třećich)

Nowinska informacija

• zdźělenka a krótki interview z dr. Robertom Lorencom (19.1.2023)

Wuslědki

• Přichod serbskeho kulturneho herbstwa. Što je digitalny kulturny register a čehodla jón trjebamy? – zjawny přednošk: 27.11.2025, 19:00 hodź., Serbski muzej Budyšin, referenća: Hauke Bartels, Robert Lorenc, Alf-Christian Schering (zarjadowanska stronka)
• 2. aktualizowana wersija koncepta “Serbski kulturny register” (wot 20.11.2025)
• Lorenc, Robert (2025): Ort –Grenze –Netzwerk. Zu einigen Implikationen der Digitalisierung im sorbischen musealen Feld. W: Lětopis 72 (2025), DOI: https://doi.org/10.59195/lp.2025.72-46.
• 1. wersija koncepta “Register serbskeho kulturneho herbstwa” (wot 4.1.2023)