Spisy Serbskeho instituta
Wot lěta 2026 (zwjazk 73) wuńdźe rjad Spisow pola Berlinskeho wědomostneho nakładnistwa Frank & Timme. Publikacije nakładuja so darmotnje a swobodnje přistupne we formje open access, nimo toho jako ćišćane wudaća.
Interdisciplinarny rjad Spisow Serbskeho instituta wuchadźa wot znowazałoženja Serbskeho instituta w lěće 1992. Spisy su pokročowanje rjada spisow, kotryž je předchadnik instituta, Institut za serbski ludospyt, mjez 1954 a 1990 wudawał (dohromady 58 zwjazkow; wot lěta 1992 so wotnowa liči). We Spisach wozjewjeja so nowe slědźerske wuslědki k rěči, stawiznam a kulturje Serbow kaž tež z přirunowaceho mjeńšinoweho slědźenja. Spisy dokumentuja slědźersku dźěławosć Serbskeho instituta runje tak kaž konferency. Přiwzaja so ale tež eksternje nastate slědźerske a kwalifikaciske dźěła, kotrež zarjaduja so do slědźerskeho spektruma Serbskeho instituta. Rjad spisow je hač do lěta 2025 (zwjazk 72) pola Ludoweho nakładnistwa Domowina w Budyšinje wušoł.
