Potencial swójskich mjenjow wužyś  II: transfer wědy a Citizen Science

Swójske mjenja serbskego póchada su we Łužycy omniprezentne, wóni su wócywidne znamje serbsko-nimskeje dwójorěcnosći regiona. Wědomnostnje su te mjenja derje pśeslěźone a analyzěrowane, eksistěrujo njepśewidna mań pśisłušneje literatury. Rowno až jo zajm zjawnosći za take mjenja wjeliki, pak wobydlaŕstwo jano mało wó póchaźe a etymologiji mjenjow wě. We ramiku projekta póbitujomy šyršym krejzam wědu wó serbskich mjenjach. Za to nawězuju se kontakty z lokalnymi ekspertami a institucijami, ako se za serbske mjenja zajmuju abo maju pśi swójich slěźenjach z nimi cyniś. W zmysle tak pomjenjoneje citizen science dej z tych kontaktow wurosć seś za mjazsobnu wuměnu a za šyrjenje wědy na póli swójskich mjenjow.

Mimo togo rozšyrjaju se modularnje natwarjone rozkłaźenja etymologijow na internetowem boce „Dolnoserbske mjenja“ (https://dolnoserbski.de/mjenja/etymologija). Publikaciju, w kótarejž se wobźěłanje dolnoserbski wopisujo, namakajośo how  (prezentacija artikla z pśijaśelnym dowólenim wudawaśelow zwězka).

Dodatnje pókšacujo se gromaźe ze serbskeju redakciju rbb z wósebneju seriju wusćełanjow, w kótarejž se kuždy drugi tyźeń rozkładujo jadno serbske mě.

Wuslědki

Kito Kśižank (Christian Zschieschang). “Onymiski system we mjenjowem online-leksikonje“. In: ( Beláková, Maria, Hungrig, Juraj, Valentová, Iveta et al. (Hgg.): “Produkcia a percepcia onymických systémov. 22. slovenská onomastická konferencia Trnava 5. ‒ 7. septembra 2022: zborník referátov “. Bratislava ; Trnava  2025. S.45-52

Spěchowarje

VolkswagenStiftung