Sorabistika po puću
Dnja 1. meje 1951 bu Institut za serbski ludospyt załoženy. Z tutoho wuńdźe w lěće 1992 Serbski institut. Z tym zhladujemy na 75 lět institucionelneje sorabistiki w Budyšinje. Za sobudźěłaćerki a za sobudźěłaćerjow je to dobra składnosć, na wosebite wašnje dohlady do swojich slědźenjow wo rěči, stawiznach a kulturje Serbow poskićić – w rjedźe “Sorabistika po puću”.
Poskitk je mysleny za towarstwa, muzeje a dalše kulturne kubłanišća w Sakskej a Braniborskej. Jinak prajene: Přińdźemy k wam, bjez toho zo nastanu Wam wudawki za jězbne kóšty a honorary. Poskićamy Wam přednoški wo wuměłstwje, kulturje a rěčnych wosebitosćach Łužicy, runje tak kaž wjedźenja a zarjadowanja, w kotrychž móžeće sami sobu činić.
» Wšitke poskitki
poskitki po wobłukach
biblioteka digitalne graty stawizny towaršnosć kultura žiwjenjoběh hudźba rěč reja
Historiski true crime w Serbach
Čitanje wo rozprawnistwje w historiskich serbskich nowinach wo wěrnych kriminalnych padach a wo jednanjach ze sudnistwa. Poskitk wosebje za lubowarjow kriminalkow a žanra true crime.
wjace zhonić
Kak se digitalizěrujo žywe kulturne derbstwo? delnjoserbsce
Serbske nałogi, regionalne rucnikaŕske techniki a wulicowaŕske tradicije słušaju k imaterielnemu kulturnemu derbstwu, kótarež jo žywe a k dolabowanju akle pśez praksu. W pśednosku buźo se tematizěrowaś, kak móžomy to same kulturne derbstwo z digitalnymi srědnosćami widobne a pśistupne wucyniś.
wjace zhonić
Kak su pola nas powědali? – Regionalne rozdźěle w serbšćinje Hornjeje Łužicy
W přednošku předstaja so na zakładźe dialektalneho materiala z 1950/1960tych lět rěč Wašeje wokoliny. Kak rozeznawa so wona wot spisowneje rěče a što praji so pola Was hinak hač w susodnych wsach?
wjace zhonić