Sorbische Filmlandschaften. Serbske filmowe krajiny
w kooperaciji ze Serbskim institutomwud. Grit Lemke / Andy Räder
Bertz + Fischer
paperback, z nitku zešita, wobsahuje 2 DVDce
ISBN: 978-3-86505-424-1
Płaćizna: 39,00 €
lěto wudaća: 2024
Wobsah
Hižo wot prěnich produkcijow filmow sem steja Serbja a Serbowki před a za kameru. Nachwilny wjeršk dožiwi serbski film w NDR, wosebje w produkciskej skupinje DEFA “Serbska filmowa skupina”. W nowšim němskim filmowym stawiznopisu wostanje serbske filmowstwo nimale njewidźomne. W kooperaciji ze Serbskim institutom pjelni monografija tutu dźěru z přinoškami serbskich a němskich awtorkow a awtorow. Wona skići přehlad wo serbskim filmowstwje wot doby němskeho kejžorstwa hač do přitomnosće. Ćežišćo tworja produkcije DEFA za kino a telewiziju, kaž tež twórby Filmoweje wysokeje šule w Babelsbergu, nastate mjez 1946 a 1992. Přidatnje so najwažniši serbscy filmowcy NDR předstajeja a jich wuznam za serbski a němski film so rozjima. Jednotliwe přinoški wuswětluja nimo toho prašenja tworjenja identity a film, sfilmowanje literarnych předłohow, stereotypy we filmje a zwiski z indigenym filmowstwom. Rozmołwy z něhdyšimi sobudźěłaćerkami a sobudźěłaćerjemi produkciskeje skupiny zmóžnjeja rědke dohlady do dotal njeznateje praksy produkcijow a do zaběranja z jeničkej statnje připóznatej etniskej mjeńšinu w NDR. Na připołoženymaj DVDejkomaj so wažne twórby němsce a serbsce prěni raz zjawnosći spřistupnja.
Wudawaćelej
- Grit Lemke, dr. phil., promocija na polu europskeje etnologije, režiserka a kuratorka z ćežišćom za serbske a wuchodoněmske temy kaž tež za dokumentarne filmy a dokumentarnu literaturu
- Andy Räder, dr. phil., wědomostny sobudźěłaćer na Instituće za medijowe slědźenje na uniwersiće w Rostocku, promocija na polu medijoweje wědomosće na Filmowej uniwersiće “Konrad Wolf”
awtorki a awtorojo
(nimo wudawaćelow)
- Theresa Jacobsowa, Robert Lorenc, Radmila Mladenova, Reiner Nagel, Volker Petzold, Juliane Rehnoltowa, Johannes Roschlau, Denise Schallenkammerowa, Jurij Łušćanski
Přichodne knižne předstajenja
-
17. meje 2024, 19 hodź., Kamjentny dom Budyšin, we wobłuku 21. Filmoweho festiwala Nysa
-
29. awgusta 2024, 19 hodź., Smolerjec kniharnja, Budyšin
Wróćozhladowanje
- impresije prěnjeho předstajenja zhromadneho publikaciskeho projekta ze załožbu DEFA, 9. nowembra 2023
- projekt “Serbske filmowe krajiny. K stawiznam Serbow w DEFA-filmje”