Pomoc za pytanje w HOTKO
Tu podawaja so někotre pokiwy za najpřihódniše nastajenja pytanskeho programa.
- Corpus/Korpus – tu ma być wubrany hotko_v2.
- Allow regular expressions/Povolit regulární výrazy – Jeli chceće z regularnymi wurazami pytać, aktiwizujće wotpowědny knefl pod pytanskim woknješkom.
- Specify context/Specifikovat kontext – wočini woknješko, w kotrymž móžeće zapodać słowo abo regularny wuraz, kotryž ma resp. nima w konteksće pytaneho słowa abo wuraza stać.
- Specify query according to the meta-information/Specifikovat dotaz podle metainformaci – wočini lisćinu, w kotrejž móžeće wubrać dźěle korpusa za pytanje, jeli chceće na př. jenož wědźeć hač jewi so někajke słowo tež hižo pola Zejlerja, wuzwoliće jeho w kašćiku „document.author“.
Rezultat naprašowanja je konkordanca (jendź. Concordance), w kotrejž je pytane słowo čerwjene wuzběhnjene. Nětko móžeće nakliknyć čerwjene pytane słowo, a deleka pokaza so šěrši kontekst. Hdyž pak nakliknjeće módry sigle žórła na lěwej stronje, pokaza so deleka dokładniše bibliografiske wopisanje.
Nastajenja za napohlad konkordancy
Hdyž kliknjeće na View w meniju, móžeće wubrać warianty za napohlad rezultatoweho woknješka.
- Kliknjenje na KWIC/Sentence přešaltuje mjez centrěrowanym pytanym słowom a pokazowanjom cyłych sadow.
Hdyž wubjerjeće Attributes, structures and references, móžeće postajić pokazowane metainformacije wo žórłowych tekstach.
- Tu měło pod References najlěpje nakliknjene być „document.id“.
Hdyž wubjerjeće General concordance view options, wotewri so meni za nastajenje
- ličby naraz pokazowanych přikładowych sadow: Page size,
- wulkosće konteksta, kotryž so naprawo a nalěwo wot pytaneho słowa sobu pokaza, jeli steji wone srjedźa: KWIC Context size
- Hóčka w delnim kašćiku (Shuffle) wuskutkuje připadnje měšany rezultat, jeli wona njesteji, su přikłady po žórłach rjadowane.