Kulturnowědomnostne perspektiwy na digitalizaciju imaterielneje kultury

Imaterielne kulturne derbstwo (IKD) dajo se akle pśez wugbanje wóžywiś a dožywiś. To jo wupominanje za digitalizaciju. We wobłuku projekta tśeśich srědkow „Praktiki imaterielnego kulturnego derbstwa w Dolnej Łužycy“ natwarja se tuchylu datowa banka z dopokazami lokalnje wugbanych praktikow IKD. Z toś togo źěła wuchadaju pšašanja mjaz drugim k systematiskej nomenklaturje ako teke k pśiměrjonemu modelěrowanju toś tych datow. Dokulaž pak stojtej digitalne zapisanje a reprezentacija kulturnych praktikow hyšći na zachopjeńku, feluju pśisłušna fachowa literatura ako teke dobre pśikłady k orientaciji. Toś jo dłymjej segajuce interdisciplinarne rozestajenje ze skicěrowanymi problemowymi wobłukami trjebne.
W kooperaciji z Institutom za źiwadłowu wědomnosć a z Rejowańskim archiwom w Lipsku, ze Slěźeńskeju póraźowarnju za IKD pśi Instituśe za sakske stawizny a ludowědu ako teke ze zapśěgnjenim konsorcija NFDI4Culture wutwórijo se źěłowa kupka k zapisowanju datow IKD. Kupka bitujo rum za wuměnu nazgónjenjow k digitalizaciji imaterielnych kulturnych formow a za diskusiju z togo slědujucych kulturnowědomnostnych pšašanjow. Zaměr jo, zgromadnje inowatiwne rozwězanja naźěłaś a naraźenja za standardy w pśichoźe wuwiś. Wuslědki maju se sukcesiwnje do wědomnostnego diskursa zapśimjeś.