»Wjele sy musał 1882 za jadnog lawa zapłaśiś?« Tekstowy korpus a digitalna biblioteka na portalu dolnoserbski.de

Dolnoserbske wótźělenje Serbskego instituta stara se južo wjele lěto wó to, aby dolnoserbske pismojstwo pó móžnosći połnje digitalizěrowali a spśistupnili w interneśe. Ten cil jo mjaztym do dalokeje měry dojśpity. Starše knigły a casopise móžośo ako cełe teksty cytaś a we wšyknych tekstach (na pś. teke w kompletnej publicistice pówójnskego casa) zaměrnje za słowami pytaś, mimo togo, aby musali znaś stare regule pisanja. Kak to pytanje se nejlěpjej raźijo a kake informacije móžośo w tekstach namakaś – lěc k stawiznam familije, lěc k tšojenjam we jadnej jsy abo k jězdnym planam zeleznice – to wšykno dajo se nejlěpjej rozkłasć na pśikładach, kótarež pó źělach móžo teke publikum naraźiś. Njedej se zabyś na pozitiwny wliw lazowanja na móžnosći zwuraznjenja w dolnoserbskej rěcy.

Aby na to we titelu stajone pšašanje wótegronili, how jaden citat:

(…) Zoſcholi wėżeſch, zo wotere żiwe ſweṙe płaſchi ga ßłuchajſcho: indiſki elefant, 8 zrėj hußoki, płaſchi 10,000 mk., afrikaṅſki elefant wot 5½ zṙej 5000 mk., wot 4 zṙej 3000 mk. Afrikanſki rhinoceros ſ dwėma rogoma 10,000 mk., dwa brunej kameela 2000 mk. Por nubiſkich lawow, 7 lėt ſtarej, 5500 mk., por tſchiletnych lawow 4000 mk., por rėdnych tigerow, 3 lėta ſtare, 6000 mk., jaguar 6000 mk., panther 2000, leopardy 600(…) a t. d. (Bramborske Nowiny, 3, 19.01.1882)

• Format
  pśednosk, diskusija
• Vortragende
  Joanna Pesćic
• Dauer
  30-45 minutow, pśilicecy diskusiju
• Sprache
  Deutsch, Niedersorbisch
• Technische Voraussetzungen
  beamer, płachta, zwisk z internetom
• Zielgruppe
  serbski powědajuce a/abo wuknjece, wšykne, ako wuce serbsku rěc, casnikarje a casnikaŕki, městne chronikaŕki a chronikarje