Pytanje lažka rěc Bok pśedcytaś pśedstajenje
 Pytanje  lažka rěc  Bok pśedcytaść  pśedstajenje

Mjazynarodne nazgónjenja, metody a pśistupy na pólu rewitalizacije wobgrozonych rěcow

Mała rěc, wjeliki swět. Globus w irskej rěcy. © Serbski institut, Hanka Rjenšojc

Co dokradnje dej se pód rewitalizaciju rěcy rozměś, kake aktery su na tom wobźělone a kake nejlěpše praktiki góźe se z mjazynarodnych slěźeńskich źěłow wótwóźiś? Toś te a dalšne pšašanja se w pśednosku nadrobnje diskutěruju a na zakłaźe młogich pśikładow rozkładu. Pśi tom połožyjo se wósebny fokus na aktualnu situaciju dolnoserbskeje rěcy a procowanja wó jeje rewitalizaciju. Pśednosk měri se na wšych, kótarež se za rěcnopolitiske a rěcnoplanowańske temy zajmuju a se staraju za małe rěcy a rěcnu wjelerakosć.

 

  • format
    pśednosk z diskusiju
  • pśednosowaŕ/ka
    Anastasija Kostiučenko-Kessler
  • Kak dłujko to zarědowanje warnujo?
    wokoło 60 minutow (pśednosk 45 minutow + diskusija)
  • rěc
    Deutsch
  • techniske pótrjebnosći
    beamer a płachta abo wjelika wobrazowka, HDMI kabel
  • Za kogo?
    powšyknje zajmowane, wósebnje zajmowane za rěc a kulturu, studenty, wucece ako teke cłonki kulturnych towaristwow a mjeńšynowych organizacijow


    Napšašanje (dla termina)


    Pósćelśo nam powěsć z pomocu toś togo formulara spózy. Do tekstowego póla „Waša powěsć za nas“ zapišćo póžedany termin, ga dej se to wót was wuzwólone tšojenje wótźaržaś. Wašu pšosbu pósćelomy dalej docentoju / docentce, ako buźo se na was dla termina wobrośiś. Naša pšosba: My by se wjaselili, gaby wy we wašej wokolnosći za naš pśednosk wabili. My wózjawijomy termin tejerownosći na našej homepage.