23. oktobra, fachowa wuměna: Mjazy tradiciju a pśichodom. Imaterielne kulturne derbstwo w Dolnej Łužycy

Das Bild zeigt eine Hand, die zwei Blumenlkränze in der Hand hält, die — Symbolowy wobraz za imaterielne kulturne derbstwo: graśa kóstarjow za Jańske rejtowanje © Serbski institut / St. Bierholdtowa institucija

termin: 23.10.2025 15:30 - 19:30 zeger

Městno zarědowanja: Měsćański muzej Chóśebuz, Dwórnišćowa droga 22, 03046 Chóśebuz

Kak mógu se serbske nałogi, regionalne rucnikaŕske techniki a tradicije powědanja za pśiduce generacije zachowaś a digitalnje wuwidobniś?

Serbski institut a Derbstwo Łužyce (UNESCO 5) pśepšosyjotej na fachowu wuměnu:

W srjejźišću stoj pśedstajenje nowego modula „Žywe kulturne derbstwo“ w portalu wědy SORABICON, kótaryž ma prědny raz zmóžniś wobšyrny digitalny pśeglěd serbskich kulturnych praktikow. Mimo fachowych pśinoskow změju gósći móžnosć mjazy sobu diskutěrowaś, se interdisciplinarnje wuměniś a se zwězaś.

Pśizjawśo se pód www.lausitz-kultur.eu

Zgromadne zarědowanje Serbskego instituta a Derbstwa Łužyce (UNESCO 5). Zarědowanje jo źěł projekta Praktiki imaterielnego kulturnego derbstwa w Dolnej Łužycy cełkownego pśedewześa Digitalny portal k serbskim a łužyskim rěcnym a kulturnym krajinam a se spěchujo pśez Załožbu za serbski lud z pjenjez Zwězkowego ministaŕstwa za nutśikowne nastupnosći na zakłaźe zwólenja Nimskego zwězkowego parlamenta.