12. septembra: Symbole rozměś – kultury zwězaś. Podiumowe rozgrono wó wobchadanju ze symboliku mjazy Łužyskimi Serbami a awstralskimi first nations
termin: 12.09.2025 15:00 - 18:00 zeger
Městno zarědowanja: Serbski muzej Chóśebuz, Młyńska droga 12, 03046 Chóśebuz
městno zarědowanja: nutśikowny dwór Serbskego muzeja (warianta za špatne wjedra: Serbski dom, Droga Augusta Bebela, klubownja)
na podiumje:
- dr. Birgit Scheps-Bretschneiderowa, wjednica wótźělenja prowenencowe slěźenje a restitucija, kustodka za wobceŕk Awstralska a Pacifik Grassijowego muzeja Lipsk
- Andrea Pawlikowa, kulturna wědomnostnica/sorabistka, muzeologowka Serbskego muzeja Budyšyn
- Christina Grecojc, jadnaŕka firmy Nagola RE, diplomowa biologowka a serbska wuměłcowka
moderacija:
- Christina Kliemowa, kulturna wědomnostnica/sorabistka, kuratorka Serbskego muzeja Chóśebuz
- dr. Fabian Jacobs, etnolog Serbskego instituta we wótrěźe kulturne wědomnosći
tema:
Symbole njamóžomy z našogo wšednego dnja pšec mysliś. Ako digitalne icony abo piktogramy w zjawnem rumje – zmóžnjaju komunikaciju bźez słowow a rozměju se cesto kultury pśesegajucy.
Ale symbole mógu wěcej: We wjele kulturach maju wóni dłymše wóznamy, pósrědnjaju stawizny, myty, identity a swětonaglědy. Wósebnje fasciněrujucy jo, kak wuwijaju se pódobne symboliske formy w zdalonych kulturach – na pśikład pla Łužyskich Serbow a first nations Awstralskeje.
W podiumowem rozgronje wobswětlujomy zgromadnosći, rozdźěle a wóznamy symbolow we wobyma kulturoma – wutšobnje pśepšosyjomy pśisłuchaś, se napšašowaś a sobumysliś.
Zarědowanje wótmějo se w nimskej rěcy a se za wědomnostne zaměry nagrawa. – Jo to zhromadne zarjadowanje Serbskeho instituta a Serbskeho muzeja. Zarědowanje jo źěł projekta Praktiki imaterielnego kulturnego derbstwa w Dolnej Łužycy cełkownego pśedewześa Digitalny portal k serbskim a łužyskim rěcnym a kulturnym krajinam a se spěchujo pśez Załožbu za serbski lud z pjenjez Zwězkowego ministaŕstwa za nutśikowne nastupnosći na zakłaźe zwólenja Nimskego zwězkowego parlamenta.