24. junija: Pśedstajenje knigłow „Kulturelle Diversität und Immaterielles Kulturerbe”

termin: 24.06.2026 15:00 zeger

Městno zarědowanja: Serbski dom Chóśebuz, Droga Augusta Bebela 82, 03046 Chóśebuz

Wudawarje dr. Ines Kellerowa a dr. Fabian Jacobs budu prezentěrowaś te nowe knigły z dopołnym titelom “Kulturelle Diversität und Immaterielles Kulturerbe – Forschung, Beratung und Praxis im Dialog“, kótarež su pśed krotkim ako wudaśe 41 Małego rěda Serbskego instituta wujšli. Ta licho pśistupna publikacija (open access) tematizěrujo we źewjeśich artikelach a jadnom foto-eseju wšakorakosć a dynamiku prakticěrowaneje kultury.

Pód žywym kulturnym derbstwom njerozměju te awtory jano zdźaržanje tradicijow, ale strategisku inwesticiju do pśichoda. We srjejźi stoj UNESCO-wujadnanje z lěta 2003 k zdźaržanju imaterielnego kulturnego derbstwa a pšašanje, kake wucynki ma to same na towarišnosć. Wjelerakosć kultury se pokažo, źož towarišnosći se za tradicije staraju, na pśikład za typiske reje, muziku, swěźenje, rucnikaŕstwo abo wulicowanje bajkow, a je na pśiduce generacije dalej dawaju, ale teke źož z togo nowe ideje wurostu.

Dalej cytaś:

• DOI knigłow (open access): 10.59195/2026.6
• dalšne pódaśa k (śišćanemu) wudaśeju