Wupisanje: Studentska/Wědomnostna pomoc (ž/m/d)
Serbski institut w Chóśebuzu pyta tak malsnje ako móžno (na cas až do 31.12.2026) dwě studentskej/wědomnostnej mócy (BA/MA) (ž/m/d), aby pódpěrałej wótźělenje za regionalne wuwiśe a mjeńšynowy šćit. Źěłowy cas wobpśimjejo až do 10 góźinow na tyźeń a jo fleksibelny.
Nadawki:
- pódpěra projektow wótźělenja, wósebnje projekta „masterplan za rewitalizaciju dolnoserbskeje rěcy“
- pódpěra techniskego wobstaranja wugódnośenja online-dialoga
- pódpěra organizatoriskich nadawkow (dokumentacija a pśigótowanje zarědowanjow)
- zastojanje datow
- rešerše
Pominanja:
- bachelorski abo masterski studium na pólu sorabistiki, socialnych, kulturnych abo regionalnych wědomnosćow, rěcneje pedagogiki abo studium, kótaryž se dajo z nimi pśirownaś
- wustne a pisne znaśa engelskeje rěcy; znaśa serbskeje rěcy su k wužytku, ale njejsu pominane
- wěste wobchadanje ze software MS-Office
- spušćobne a samostatne źěło, zamóžnosć źěła we teamje
Wašu pšosbu wó pśistajenje pósćelśo až do 04.10.2025 ze wšyknymi pśisłušnymi pódłožkami jano we digitalnej formje (ako PDF) na sekretariat Serbskego instituta pśez e-mail na adresu si@serbski-institut.de.
Informacije k projektoju: www.serbski-institut.de/projekte-regionalentwicklung-minderheitenschutz/masterplan/
Pokaz na šćit datow: Zrownju z pśipósłanim pšosby wó źěło pśiwdajośo nam pšawo, aby Waše wósobinske daty w ramiku pśistajeńskeje procedury pśeźěłali. Toś to zwólenje móžośo kuždy cas a mimo pomjenjenja pśicynow napśeśiwo direktoratoju pisnje abo elektroniski slědk weześ. Wobmysliśo pak, až slědkweześe togo zwólenja buźo k tomu wjasć, až njebuźomy móc na Wašo procowanje w běgu aktualneje procedury wěcej glědaś.
Wótźělenja za regionalne wuwiśe a mjeńšynowy šćit a projekt „masterplan za rewitalizaciju dolnoserbskeje rěcy” spěchuju se wót Załožby za serbski lud ze srědkow Zwězkowego ministaŕstwa nutśikownego na zakłaźe wobzamknjenja Nimskego zwězkowego sejma.