Wupisanje: Wědomnostny sobuźěłaśeŕ ze śěžyšćom stawizny a kultura Dolneje Łužyce (m/ž/d)
Aby se zmócniło wótźělenje za kulturne wědomnosći w Chóśebuzu, pytamy k 1. februaru 2026 angažěrowanego wědomnostnego sobuźěłaśerja (m/ž/d).
Jadna se wó połne městno, kótarež jo nejpjerwjej raz wobgranicowane na dwě lěśe. Na žycenje by se teke zmóžniło źělne pśistajenje. Myto se płaśi za tarifom TV-L (E13), su-li wósobinske kriterije dopołnjone.
Waše nadawki
- samostatne wobźěłowanje slěźaŕskego projekta na pólu stawiznow a kultury dolnołužyskich Serbow, ako se orientěrujo na slěźaŕskich śěžyšćach wótźělenja za kulturne wědomnosći
- wuwijanje pšosby wó tśeśe srědki za nawězujucy projekt
- koordiněrowanje se wuwijajucego projekta „Serbski biografiski leksikon“ a sobuźěło w njom
- wědomnostne publicěrowanje a popularnowědomnostne pósrědnjanje wědy
- aktiwne spleśenje a kooperacija z partnarjami z regiona, z kraja a wukraja
Waš profil
- docynjona promocija na pólu stawiznow, kulturnych wědomnosćow abo w jadnom ze susednych fachowych wobceŕkow
- dopokazane nazgónjenja ze slěźenim wó stawiznach a kulturje Dolneje Łužyce a wó Serbach abo na tematiskich pólach, ako daju se pśirownaś
- žycymy se: nazgónjenja pśi akwirěrowanju tśeśich srědkow a pśi wjeźenju wědomnostnych projektow
- znaśa na pólu dolnoserbskeje rěcy su k lěpšemu; wócakujomy, až sćo zwólne se rěc pśiswójowaś
- dobre zamóžnosći komunicěrowaś a w teamje źěłaś
- samostatna, strukturěrowana wašnja źěła
Póbitujomy Wam
- źěłowe městno w Chóśebuzu (pšawidłowna pśibytnosć na městnje jo žycona)
- zajmny a zagronitostny wobceŕk nadawkow w krejzu angažěrowanego, interdisciplinarnego teama
- wěsta lichosć pśi wobchadanju ze swójimi wědomnostnymi śěžyšćami
- fleksibelne źěłabne casy a móžnosći mobilnje źěłaś
- jobticket
Serbski institut spěchujo rownostajenje žeńskich a muskich we pówołanju a angažěrujo se za to, aby se dało familijowe žywjenje z pówołanim zwězaś. Togodla nagranjamy wósebnje žeńske, aby se wó to źěłowe městno procowali. Glědamy na to, aby luźam z śěžkimi brachami pśi jadnakej gódnosći k źěłu dali prědnosć.
Wašu pšosbu wó pśistajenje pśipósćelśo pšosym nejpózdźej do 17.11.2025 digitalnje (z mejlku pśipósłana PDFka) na direktorat Serbskego instituta (si@serbski-institut.de). Na pšosby, ako dojdu pózdźej, móžo se teke źiwaś, jolic až njejo městno hyšći wobsajźone. Pśistajeńske rozgrona wótměju se na 24.11.2025. Ewentualnje nastawajuce kosty njamóžomy Wam zarownaś.
Maśo-lic pšašanja, wobrośćo se pšosym direktnje na wjednika wótźělenja za kulturne wědomnosći, dr. Friedricha Pollacka.
Wjaselimy se na Wašo procowanje!
Pokazka dla woplěwanja datow: Zrownju z pśepósłanim pšosby wó pśistajenje pśiwdajośo nam pšawo, aby Waše wósobinske daty w ramiku pśistajeńskeje procedury pśeźěłali. Toś to zwólenje móžośo kuždy cas a mimo pomjenjenja zawinow napśeśiwo direktoratoju pisnje abo elektroniski anulěrowaś. Wobmysliśo pak, až slědkweześe togo zwólenja buźo k tomu wjasć, až njebuźomy móc na Wašo procowanje w běgu aktualneje procedury wěcej glědaś.