Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
na wutrobu so bić/dyrić [něchtó so na wutrobu bije/dyri]
`so kać, swoje hrěchi wobžarować´ | `bereuen, eine Geste des Bereuens machen´ sich an die Brust schlagen
wróćo
`so kać, swoje hrěchi wobžarować´ | `bereuen, eine Geste des Bereuens machen´ sich an die Brust schlagen
přikłady z literatury
Na wšitko by torhał hubu sej a po djabołsku klał, kemšerjam by sčinił klubu rad a na nich pobjakał: "Chwatajće, zo njeskomdźiće; zaskiwlił zwón hižo je! Na wutrobu kruće bijće so, hdyž bohu na žort dźe! [...]" (Ćišinski, ZSĆ 5, 102) Žadyn z pobožnych byrgarjow njebiješe sej na wutrobu so kajo: ʻTy sy sobu na tym wina, zo su tute wbohe dźěći w zahubje. Tute prošerske hońtwy njejsu jenož hańba za město a kraj, ale tež za tebje!ʻ (Iselt, Bitwa 98) Dr. Stresemann móže so na wutrobu dyrić a patetisce swoju njewinowatosć wobkrućić. (SN 1927, KNHS)
wróćo