Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

blědy ‹běły› kaž twaroh
`jara blědy´ | `sehr blass, käseweiß´

Wörterbuchbelege

blědy kaž sćěna/ kaž twaroh (NHS 1, 552)

přikłady z literatury

Wšitcy běchu jeho wobličo widźeli a so zastróžili, přetož spóznachu, zo bě tuto wobličo na njewuprajne wašnje přeměnjene a blěde kaž twaroh. (Hronow 113) Rjadownja sprostny; famulusowe mjezwočo bu pod wusmahnjenosću blěde kaž twaroh, wón z njejapcy wudyrjenej hidu třepotaše. (Brězan, Hanuš 1, 173) Bóle po křesćansku hakle začuwach, wuhladawši prědku na ławce žónsku, běłu kaž twaroh w mjezwoču, z dźěćatkom, do rubiškow zawalenym, na klinje. (Diogenes 23)

wróćo