Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

teptać ‹přeteptować› kaž ganzor w błóće ‹we wusmužu› [něchtó tepta ‹přeteptuje› kaž ganzor w błóće ‹we wusmužu›]
`wokoło teptać bjez praweje zaběry, wuskostnje´ | `verlegen von einem Bein aufs andere treten´

Wörterbuchbelege

teptać kaž gjanzor w błóće (Buk, ČMS 1853--54, 120); tepta kaž ganzor (husor) w błóće (Radyserb, Přisłowa 261)

přikłady z literatury

Šwintuch wupowěda hišće někajki žort, ale nichtó njeměješe časa so smjeć; teptaše hišće kaž ganzor w błóće, zwiny so nadobo a dźesać mjeńšin pozdźišo so zaso wróći -- z mulerskej łopatku w ruce. (Brězan, Christa 274) Krokawa z dźesatki bě tola kurił. Hdyž bě so Black zjewił, bě wón spěšnje swoju cigaretu do kapsy sunył. "Sće widźeli, kak je přeteptował? Kaž ganzor we wusmužu", wołaše Karsten. "Zak je so jemu smudźił." (Wornar, Pjeršćeń 103/104)

wróćo