Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

z druhimaj ‹hinašimaj› wočomaj ‹z druhimi wočemi› hladać/pohladać {na někoho, něšto} [něchtó na někoho, něšto z druhimaj ‹hinašimaj› wočomaj hlada/pohlada]
`někoho, něšto hinak posudźować´ | `jemanden, etwas anders beurteilen´ jemanden, etwas mit anderen Augen ansehen

Wörterbuchbelege

z druhimi wočemi hladać (Kral 687); z druhimi wočemi hladać na čo (Rězak 61)

přikłady z literatury

Za mnje pak je tutón podawk tón sćěwk měł, zo nětko na młodych ludźi, kotrychž mam jimać, z hinašimaj wočomaj hladam dyžli prjedy, dyrbju mjenujcy přeco zdobom na wboheju staršeju myslić, kotrymajž chce so při njezbožu jeju dźěći wutroba złamać. (Předźenak 1897, 37, KNHS) A takle je přišło, zo hižo druhe lěto na Teterowskej kupje wukopuja sydlišćo słowjanskich Črezpjenjanow; štož je so tam wukopało, to dosaha, zo by wučeny swět na kulturu starych Słowjanow pohladał z druhimaj wočomaj. (Njechorński, Bobak-Wšudźebył 228) Pomału smój pak jich nawučiłoj, hladać z trochu druhimaj wočomaj na tute wuběrki. (Brězan, Jančowa 135) Sym cyle nowe nazhonjenja zběrała, sym samostatniša, móžu wotewrjeniša z druhimi wobchadźeć a z cyle hinašimi wočimi na Němsku hladać. (SN 1999, EK)

wróćo