Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

hladać ‹škitać› {něšto} kaž wóčko ‹woko› (we hłowje) [něchtó něšto hlada ‹škita› kaž wóčko ‹woko› (we hłowje)]
`něšto jara pasć, stražować´ | `etwas sehr behüten´ etwas, jemanden hüten wie seinen Augapfel

Wörterbuchbelege

škitać kaž woko we hłowje (NHS 1, 133)

přikłady z literatury

Přeju ći zbožo k tak krasnej sotřičce. Na tu budźa hišće husto pasle lac. Spominaj na tute słowo a hladaj ju kaž wóčko we hłowje. (Hronow 192) Cyły dźeń wón ležeše, na ničo sebi njemyslo; ale za to wućeže swoje 17 tolerjow, kotrež běše w swojej roztorhanej čapce zašite měł a sebi je bóle hladał hač swoje woko, a poča je z nutrnej kedźbnosću wobhladować, kaž hakle budźiše je runje prěni raz wohladał był. (SN 1884, 239, KNHS)

wróćo