Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

horło ‹horleško› rosće/zrosće {někomu} iron
`něčeja zmužitosć přiběra´ | `jemandes Mut wächst´ jemandem schwillt der Kamm

přikłady z literatury

Jako bě jemu hłowa prjedy ćmowa była a ji nětko zdobom swěčka naskočiła, dohlada so holan nahle, što to rěka. Hnydom jemu hordło zrosće. "Rawsy! Rawsy! Njeplekojo! [...]" (Radyserb, Trójniki 26) Rěkachu jemu tehodla hač dotal "wučeny Jan", a z tym jemu njemało horło rosćeše. (Radlubin, w: LS III, 1879, 70, KNHS) Ludźičkecy, mi nimale horleško rosćeše nad wuspěchom! (Grojlich, Młode lěta 54)

wróćo