Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

z hołymaj ‹prózdnymaj› rukomaj
`bjez ničeho, bjez wobsydstwa, bjez dara´ | `ohne alles, ohne Besitz, ohne Geschenk´ mit leeren Händen

Wörterbuchbelege

so z prózdnymaj (hołymaj) rukomaj ženić (Radyserb, Hrona 59); z prózdnymaj rukomaj (Rězak 613)

přikłady z literatury

Mój nadobny syn, kaž zemjanski młoduch, by so podarmo wo njewjestu prašał? A to wo tajke njebožatko, kiž z hołymaj rukomaj steji? (Radyserb, Bitwa 96) Sobotu w nocy w prajenym času tam dźěštaj. Tón gramač, pod pažu wulki wał měchow a motyku w horšći, stupaše spěšnje, a dychotak čampaše z hołymaj rukomaj za nim, mjelčo při sebi paćerje hronjo. (Radyserb, Zabawki 74) Połćik zwaži překupc z poł puntom kofeja -- a jednej cigaru přidatnje --, a hdyž narodninski dźeń zaswita, njesteješe Tobiaš Hawk před žonu z prózdnymaj rukomaj a z mrózowymi kwětkami na woknje, žona so začerwjeni z radosću, a wón sam natykny swojej njedźelskej woči a měješe čiste swědomje kaž nowonarodźene dźěćatko. (Brězan, Stary nan 87) Njezwěrju sej z prózdnymaj rukomaj do hrodu. Chcych znajmjeńša w hajku sornika třělić. (Iselt, Bitwa 46)

wróćo