Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

wódny muž je zajał ‹hrabnje, łapi› {někoho} zestar
`něchtó je so zatepił, so zatepi´ | `jemand ist ertrunken, ertrinkt´

Wörterbuchbelege

jeho je při kumpanju wódny muž zajał (Radyserb, Hrona 10); jeho je wódny muž zajał (Rězak 307; Kral 828)

přikłady z literatury

Surowy wichor pak storkaše łódź, zo lětaše k lěwicy a prawicy, horje a dele. [...] Radźi byšće słyšeli, kak mi při wšěm tym bě? Skoro njeje wěrje podobne, a tola je wěrno -- bojosće njemějach žaneje, zo mje wódny muž hrabnje. (Radyserb, Bitwa 172) Tehodla skerje a lěpje z tym bledźakom preč! Hdyž přińdu po posledni měch, storču słabuške krawčo do Sprjewje. Njech jeho wódny muž łapi! (Radyserb, Zabawki 74)

wróćo