Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

na hłowu dyrjeny ‹klepnjeny› być [něchtó je na hłowu dyrjeny ‹klepnjeny›]
`hłupy być´ | `dumm sein´ auf den Kopf gefallen sein

Wörterbuchbelege

na hłowu dyrjeny, klepnjeny (Kral 106); na hłowu dyrjeny być (Trofimowič 52); na hłowu dyrjeny (NHS 1, 183)

přikłady z literatury

Haj wšak, haj, strowy kunda to, na hłowu dyrjeny wězo njebě, stanje a čampa ze jstwy. (Ćišinski, ZSĆ 6, 287) Susod so mi dale bóle spodobaše. Bórze spóznach, zo njebě na hłowu dyrjeny, ale nawopak chětro překlepany. (Nowak-Njechorński, Wardar 50) Potajkim, ja so tuž we wučbje derje wobdźělam, njepočinam so kaž na hłowu dyrjeny, za to pak sym wonka, hdźež so wone wosebite nawodniske kwality žadaja, skoro hotowa nula. (A. Nawka, Jadwiga 157) Ale chutnje, Marja, ty tola na hłowu klepnjena njejsy, kaž bych měnił, a nimo toho su tež druzy w twojej starobje so na šulsku ławku sydnyli. (Ludźo a mysle 70) Ale Měrćin tež na hłowu klepnjeny njebě. (Bjeńšowa, Maks 52)

wróćo