Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

krej přeliwać/přeleć ‹rozliwać› [něchtó krej přeliwa/přelije ‹rozliwa›]
`ludźi w boju morić´ | `Menschen im Kampf töten´ Blut vergießen

Wörterbuchbelege

krej přeleć/ přeliwać/ rozleć/ rozliwać (NHS 2, 450)

přikłady z literatury

Zawjesć so mi njedaj, narěčeć žiwy wot towaršow, kiž zacpěwaju swoju narodnosć, kubło, za kotrež krej přeliwachu na wójnach wótcojo serbscy, wot njedźaknych, kiž podteptuja swoju maćernu rěč mi, w kotrejž wužórlichu so jim ze rćika młodoh najprěńše słowčka, kiž mać jim šćěpješe do wutroby mi z najwjetšej lubosću, wot bohazabytych, kiž zapěraju božej woli so z hordoznišim. (Ćišinski, ZSĆ 1, 274) A nětko budźetaj staršej tamneju synow bórze do wójny dać dyrbjeć. Čehodla a za koho ma so znowa přeliwać krej? (Protyka 1999, 50) Čehodla da mamy rozliwać bratrowsku krej? (J. Wićaz, Nós 1, 155)

wróćo