Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

ćma kaž w kołmazowym ‹kołmaznym› kónku ‹horncu›
`jara ćma´ | `stockfinster´

Wörterbuchbelege

ćma kaž w kołmazowym kónku (Radyserb, Hrona 14; Rězak 912; NHS 2, 314); ćma kaž w kołmaznym kónku (Kral 33)

přikłady z literatury

Na łubi by wječor ćma bywała kaž w kołmazowym kónku. (M. Nawka, Na běrnach 133) A bě hižo ćma kaž w kołmazowym kónku; hólcy poněčim rozćěkachu, a ja himpotach sam ze swojimaj prěnimaj wjednikomaj wróćo do Prilepa. (Njechorński, Wardar 63) Dawno sym će domoj hladała. Ćma je kaž w kołmazowym horncu, a wichor wěje a sněh, zo štomy šumja kaž lěs. (M. Nawka, Na běrnach 111)

wróćo