Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

mjez linkami ‹rjadkami› čitać [něchtó mjez linkami ‹rjadkami› čita]
`schowany zmysł pisaneho teksta spóznać´ | `den verborgenen Sinn eines geschriebenen Textes erkennen´ zwischen den Zeilen lesen

přikłady z literatury

Nowiny su połne podobnych a hóršich přikładow, a štóž móže tróšku mjez linkami čitać, wě, što su sej ze Židami předewzali. (Koch, Židowka 88) Je tež mjez linkami čitał a mysle prakuzłarjow dale myslił. (Husličkar 120) Čini to kaž wšo, štož je pisać zakazane, tarnowane, nadźijejo so, zo doma něštožkuli mjez rjadkami wučitaja. (Kubašec, Andricki 155) Zo ty z tym spokojom njejsy, zo sym ja ze swojeho Twoje zběrki 8--11 nakładował a tak scyła jich wudaće zmóžnił a wjetši dźěl 6. zběrki Smolerjej dopłaćił, čitam ja srjedź rjadkow Twojeje dopisnicy [...]. (Ćišinski, ZSĆ 13, 121)

wróćo