Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

woči mydlić/namydlić/zamydlić {někomu} [něchtó někomu woči mydli/namydli/zamydli]
`někomu něšto nałžeć, někoho wobšudźić´ | `jemandem etwas vormachen, ihn betrügen´ jemandem Sand in die Augen streuen; jemanden hinters Licht führen

Wörterbuchbelege

někomu woči namydlić (Pfuhl 388); mydlić někomu woči (Radyserb, ČMS 1908, 97); komu woči slepić, namydlić, zakadźić (Rězak 101); komu woči namydlić (Rězak 132); woči namydlić komu (NHS 2, 439)

přikłady z literatury

Skradźu wona přemysleše, hač naposled někajki druhi zaměr za jeho njesłyšanym wotpohladom njetčeše, tak k namydlenju woči. (Ludźo a mysle 69) "Kejžor je wěrnosć rěčał!", zawoła Měšera, "mištrje, ty chceš nam ze swojim božim chłostanjom woči namydlić!" (Wjela, Roboty 229) A njech tež jeho bórze sćěhuje kokula, tuto njekničomne drjechmo, kiž drje z pašturlicu hišće rjenje čini, zo by jej woči namydliła a při tym dale móhła wuklukować drobnu ptačinu. (Njechorński, Žaby 97) "A maćeri tež najbóle Nukec rjane kubło woči zamydli", Jěwa skoržeše. (Kubašec, Serbin 1, 90) Spočatnje bě so fašistam poradźiło, tež někotremužkuli Serbej woči zamydlić. (Kmjeć, Wusadny 9) Pječa pak su ludźom zdźěla z tym tež woči mydlili, hdyž nakładźechu wjele wjace poslešćow, kiž póćmje zaso domoj dowjezechu. (SN 1996)

wróćo