Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

do njebjes ‹k njebjesam, k njebju› wołać [něšto do njebjes ‹k njebjesam, k njebju› woła]
`njeznjesliwe, rozhorjace być´ | `empörend sein´ zum Himmel schreien

Wörterbuchbelege

do njebjes wołacy (Rězak 479; NHS 1, 509); k njebjesam wołacy (NHS 1, 509)

přikłady z literatury

Wy pak sće mjez nimi tak njemdrje morili, zo to do njebjes woła. (SZ, 2 Chron 28,9) Jeli so mje prašeće -- ja mam wusud třoch lět a wósom měsacow jastwa za to, štož je Klaus-Dieter Chw. skućił, za do njebjes wołacy justicny zmylk. (SN 1996) Tak su počasu wobstejnosće a poměry nastałe, kiž tu a tam skoro k njebju wołaja. (SN 1927, KNHS) To běše njeprawda, kotraž k njebjesam wołaše. (Předźenak 1931, 56, KNHS)

wróćo