Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

z nosom mróčele ‹njebjesa› worać [něchtó z nosom mróčele ‹njebjesa› wora]
`naduty, hordy być´ | `hochmütig, hochnäsig sein´ die Nase hoch tragen

přikłady z literatury

Nic mjenje nazhoni hordy nós w kerkach abo mjez hałzami hustych štomow, zo njeje derje, wšudźom z nosom mróčele worać chcyć. (Radlubin, Kwasarjo 226) Tuteje chwalobneje wosebitosće a ryćerskeje wutrajnosće dla pak njeworaše z hordosću mróčele z nosom, ně, běše sćicha a ponižny, měješe wot direktora patent na poslednje město za cyły swój gymnazialny čas. (Ćišinski, ZSĆ 6, 320) Naduty měšćanski panik, kotryž by najradšo z nosom njebjesa worał, přińdźe raz so přechodźujo na wsy. (Radlubin, w: Krajan 1835, 38, KNHS)

wróćo