Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
swoju kožu na předań ‹k rězu› njesć ‹nosyć› [něchtó swoju kožu na předań ‹k rězu› njese ‹nosy›]
`so do wulkeho stracha podać k lěpšinje někoho druheho´ | `sich zu fremdem Nutzen in große Gefahr begeben´ seine Haut zu Markte tragen
wróćo
`so do wulkeho stracha podać k lěpšinje někoho druheho´ | `sich zu fremdem Nutzen in große Gefahr begeben´ seine Haut zu Markte tragen
Wörterbuchbelege
swoju kožu na předań njesć (Rězak 459); swoju kožu na předań njesć, nosyć (NHS 2, 50)
přikłady z literatury
Šula jara so prócowaše, wupěrnych małych Saksoserbow přetworić na horliwych wótčinakow, kotřiž bychu jónu lubjerad swoju kožu na předań njesli na wjetšik kejžorskeje Wulkoněmskeje. (Njechorński, Hólčik 150) Hdyž potom němski dźěłaćer zhubi zasłužbu a je bjez dźěła, to jich mało stara, nawopak, woni so nad tym raduja, přetož za tych ludźi bjez dźěła maja druhu zaběru, woni chcedźa jich měć za wojakow, za žratwu třělbow, kiž swoju kožu na předań noša na wjetšik cuzych pjenježnikow. (Nd 1950) Hawštyna Nowotnikowy konflikt je konflikt wojaka-dźěłaćerja, wojaka-burika we fašistiskim wójsku, a wuznamjenja to bywšeho studenta Nowotnika, zo nima najmjeńšeje ambicije, postupić we wójsku a ćopliše hněžko pytać w někajkej pisanskej stwě, ale zo dźěli zjawnje a sprawnje wosud toho wboheho, kotryž njese swoju kožu k rězu. (Młynkowa, Wóčko 132/133)
wróćo