Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

sej ruce myć/wumyć (w njewinowatosći ‹njewinosći›) [něchtó myje/wumyje sej ruce (w njewinowatosći ‹njewinosći›)]
`swoju winu njepřipóznawać´ | `seine Mitschuld abstreiten´ seine Hände in Unschuld waschen

přikłady z literatury

Dyrbi da to podarmo być, zo ja swoju wutrobu w čistosći chowam a swojej ruce w njewinosći myju. (Biblija 1728, Psalm 73,13) Rady by słužbje w lěhwje wućeknył, ćim radšo, hdyž tež jako šofer sej hižo ruce w njewinosći wumyć njemóže. [...] w poslednim času je časćiši jate žony [...] wozył a je so jemu při tym něštožkuli spodźiwne zdało. (Kubašec, Wanda 156) Ale tući lěhwowi wjednicy su zatrašnje mudri. Sćelu nam swojich lěhwowych funkcionarow, sami sej ruce myja. (Měrćink, Čerty 123) Ty sedźiš w Praze, myješ sej ruce kaž Pilatus, měniš, zo sy njewinowaty. (Młynkowa ZS 2, 188) Te tysac mazanych porstow, kotrež wón w tysac mazanych wěcach kołowokoło globusa ma -- što wo tym rěčeć, rozmnožerjo powěsćow trjebaja hromadźerjow powěsćow, praji wón a myje sej ruce w njewinowatosći. (Brězan, Krabat 338) Wy sebi ruce wumyjeće, a hdyž sće Jurjej poliwku nadrjebił, póńdźeće a wón bʻdźe sam ju laptać. (J. Winger, w: Łužica 1901, 97, KNHS)

wróćo