Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
na swojimaj ‹krutymaj› nohomaj stać [něchtó na swojimaj ‹krutymaj› nohomaj steji]
`hospodarsce samostatny być´ | `wirtschaftlich selbstständig sein´ auf eigenen Beinen stehen
wróćo
`hospodarsce samostatny być´ | `wirtschaftlich selbstständig sein´ auf eigenen Beinen stehen
přikłady z literatury
Pozdźišo, hdyž čłowjek na swojimaj nohomaj stoji, skazy sebi žołdk zdźěla z nuzy, dokelž trada, zdźěla z njerozomom, dokelž "chce sebi dobrotu činić". (SH 1886, EK) Bosćij nochcyše sej po nju přińć, doniž hospodarsce na krutymaj nohomaj stać njebudźe. (Kubašec, Serbin 1, 18) Ale połojca z nich [rjemjeslniskich zawodow] njemóže w Sakskej hišće na swojich nohach stać, dokelž njedźěłaja z dobytkom, ale z pjenježnymi stratami. (SN 1999) Štóž so z krutym słowom Nakoncoweje do paniki zahnać da, njesteji jara kruće na swojimaj nohomaj. (Brězan, Hanuš 3, 332)
wróćo