Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

nohu stajić/stajeć {někomu} [něchtó někomu nohu staji/staja]
`někomu klubu sčinić´ | `jemanden absichtlich ärgern´ jemandem ein Bein stellen

přikłady z literatury

Někotryžkuli mały kralik hižo je wulkemu kralej nohu stajił! (Wornar, Pjeršćeń 135) Hdy by nětkole chcył, by móhł holcy nohu stajić. Ale wona činješe jemu žel. (Wornar, Opium 79) Dźensa jemu stajiš nohu, rjeknych sebi w myslach. (Grojlich, Lěta ćmy 210) Gmejna a Kamjenski krajnoradny zarjad stajatej jemu nohu. Kieschnikej, kotryž dawa 30 ludźom dźěło, spytaja, kaž to sam rozhněwany ze "šikanami" woznamjeni, natwar składowanskeje hale na jeho priwatnej ležownosći zadźěwać. (SN 1999)

wróćo