Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

so lědma ‹lědy› na nohomaj ‹na nohach› dźeržeć/zdźeržeć [něchtó so lědma ‹lědy› na nohomaj ‹na nohach› dźerži/zdźerži]
`jara słaby być´ | `sehr schwach, entkräftet sein´ sich kaum noch auf den Beinen halten

Wörterbuchbelege

so lědma na nohomaj / na nohach dźeržeć (NHS 1, 123).

přikłady z literatury

Wosebje blědnješe Kapler a wosłabny tak, zo so lědma na nohomaj zdźerža. Při chorołožach jeho choroba zaja, a wón dyrbješe so lehnyć. (Radyserb, Bitwa 146) Ze železnej wolu so Maks hišće tak někak na nohomaj dźeržeše. (Grojlich, Młode lěta 64) Michał so lědma na nohomaj dźeržeše, telko božich słowow korčmarjow bě hižo słyšał. (Wornar, Wajchtar 56) Ze swojimaj wótrymaj, młodymaj wočomaj je widźał, zo mortwi abo bjezwědomni mjez nimi leža a zo stejacy so lědy na nohach dźerža. (Kubašec, Andricki 138)

wróćo