Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

z dołhim ‹kisałym› nosom
`z přesłapjenjom, přesłapjeny´ | `enttäuscht´ mit einer langen Nase; mit einem langen Gesicht

přikłady z literatury

Dźěch-li pak k tajkej wosobnej wo reju, da měješe wěsće někajke zamołwjenje a ja dóstach korbik abo po serbsku: Rejwarka so mi zapowědźi a pósła mje z dołhim nosom dale. (Hronow 26) Wóndy bě we Vorarlbergu duchowny njeposłušneho hólčeca placnył, šulski wuběrk chcyše tohodla duchowneho wotřasć. Tola mać hólčeca (bjez jeje wole ničo činić njemóžachu) wustupi w zhromadźiznje prajo: "Duchowny je cyle prawje činił, ja so jemu jenož dźakuju za to, zo ma mojeho syna w krutej šuli; wón drje placa dóstał njeby, njebudźiše-li jeho zasłužił." Šulski wuběrk ćehnješe z dołhim nosom -- z rady domoj. (SH 1989, EK) A chcył-li štó za mnje brašćenje spytać, njedyrbjał tón snano z kisałym nosom wot njeje hić? (Radyserb, Bitwa 96)

wróćo