Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

ani słowčka ‹słowa› njepiknyć [něchtó ani słowčka ‹słowa› njepiknje]
`ničo njeprajić´ | `nichts sagen, schweigen´ kein Sterbenswörtchen sagen; kein Wort fallen lassen ‹verlieren›

Wörterbuchbelege

słowčka njepiknyć (Kral 528); ani słowčka/ničo njepiknyć (NHS 2, 138)

přikłady z literatury

Ducy po puću sebi wobaj skoro ani słowčka njepiknyštaj. (Ćišinski, ZSĆ 6, 120) Štó ha móhł so wadźić z čłowjekom, kotryž ći ani słowčka njepiknje! (Brězan, Jančowa 314) Nikomu njepikny ani słowčka wo swojim zetkanju z čertom, dokelž bychu sebi tola móhli lóze huby frasu drěć, zo je kradnył abo hewak někajki hrěch zworał. (Wornar, Wajchtar 29) Tu rěka předewšěm mjelčeć, ani słowa njepiknyć! (Radlubin, Kwasarjo 147)

wróćo