Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

sedźeć ‹stać› kaž (dubowy) pjenk [něchtó sedźi ‹steji› kaž (dubowy) pjenk]
`njepohibliwje a mjelčicy sedźeć´ | `regungslos dasitzen, dastehen´ dasitzen, dastehen wie ein Klotz

přikłady z literatury

Jurij sedźeše za blidom kaž pjenk a wjazaše kózlika. (Šołta, Statok 51) Nagorka steješe při wutwarach přede wsu njehnuty kaž pjenk a po zdaću běše wón ze swojim wótrym nosom něšto wučuchał. (Zalěski, Rjekowje 311) Matka chcyše Šymjelkowu zaso z bójskeho kruha předsydstwa wutłóčić. Ale kaž tež tłóčeše a storkaše, Šymjelkowa sedźeše prědku za blidom předsydstwa kaž dubowy pjenk. (Wornar, Wajchtar 105)

wróćo